Zaqatalada cüdo məşqçiləri üçün seminar keçirilib

Zaqatalada cüdo məşqçiləri üçün seminar keçirilib Müəllimlərə cüdonun yeni texnika və qaydaları haqqında ətraflı məlumat verilib
Fərdi
1370
24 Oktyabr , 2016 11:36
Zaqatalada cüdo məşqçiləri üçün seminar keçirilib

Bakı. 24 oktyabr. REPORT.AZ/ Zaqatala Olimpiya Kompleksində cüdo məşqçiləri üçün seminar keçirilib. Azərbaycan Cüdo Federasiyasından "Report"a verilən məlumata görə, seminarda Zaqatala, Mingəçevir, Qax və Balakəndən olan məşqçi-müəllimlərə cüdonun yeni texnika və qaydaları haqqında ətraflı məlumat verilib.

Mütəxəssislər Tərlan Poladov, Musa İsmayılov və Tərlan Həsənov məşqçinin məşq prosesini idarə etməsi, tələbələr, onların valideynləri və həmkarları ilə münasibəti, məşqçinin tələbələrinə nəzarəti - məktəb dərs gündəliyi, cüdo üzrə gündəliyi, nizam intizam, gigiyena, zədələrə qarşı proflaktikası və qidalanmasına nəzərət qaydalarından danışıblar.

Həmçinin, məşqçinin tələbələrini yarışa hazırlamaq prosesi, çəki və qidalanmaya nəzərət, yarışda öz tələbələrini idarə etmə bacarığı, özünü aparma qaydalarını tam bacarma qabiliyəti barədə təlimatlar verilib. Məşqçinin hakimlik bacarığı, öz yarışlarını təşkil etmə və aparma, tələbələri ilə yarışları müşahidə etmə, onları təhlil və müzakirə etmə bacarığı barədə fikir mübadiləsi aparılıb.

Son xəbərlər

Orphus sistemi