Yuxarı

​Zabit Səmədov: "Rinqdə özümü evdəki kimi hiss edirdim"

Azərbaycan kikboksçusu türk rəqibi üzərindən qələbədən danışıb

Bakı. 1 mart. REPORT.AZ/ "Bu, dost ölkə döyüşçüsü ilə görüş idi. Mən rinqdə özümü evdəki kimi hiss edirdim, hər hansı bir qəzəb hissi yox idi, ona görə də, döyüşün bütün gedişatına nəzərət edirdim".

Bu sözləri "Report"a açıqlamasında ötən gün İstanbulda türkiyəli kikboks ustası Mert Akın üzərində qələbə qazanan Azərbaycan idmançısı Zabit Səmədov bildirib.

"Əlbəttə, döyüşü mənim üçün asan adlandırmaq olmaz. Çünki türk idmançı məndən 27 kiloqram ağır idi", - deyə o əlavə edib.

Qeyd edək ki, bu, Zabit Səmədovun peşəkar rinqdə ardıcıl qazandığı 7-ci qələbəsidir.

Gələcək döyüşləri barədə danışan Zabit qarşıda onu Dubay turnirinin gözlədiyini açıqlayıb.

"Aprelin 16-da Dubayda dünyada yüksək reytinqə malik olan böyük turnir keçiriləcək. Mənim əsas məqsədim bu turnirdə qalib gəlməkdir".

O qeyd edib ki, tezliklə sözügedən turnirin hazırlıqlarına başlayacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi