Yuxarı
    Bağlamaq

    Zabit Səmədov: "Rəqibim revanş təklif edib, gələcəkdə bu təklifə baxılacaq" - VİDEO

    Rəqibimin zədələnməsini istəməzdim, zədəni mən ona vurmaq istəyərdim

    Bakı. 17 may. REPORT.AZ/ "Mən rəqibimin döyüşlərinə baxmışdım, o zəif deyildi". "Report"un məlumatına görə, bunu Azərbaycanın məşhur kikboksçusu Zabit Səmədov belçikalı Məhəmməd Malik Sinistra üzərində qələbədən sonra Bakıya qayıdarkən jurnalistlərə deyib. 

    Onun sözlərinə görə, 33 yaşlı belçikalı idmançı iki il bundan qabaq da onunla döyüşmək istəyib: "Elə oldu ki, döyüş Türkiyədə təşkil olundu. Döyüşü hamı izlədi və nəticə məlumdur. Döyüşdən sonra rəqibim revanş təklif etdi. Gələcəkdə bu təklifə baxarıq". 

    Döyüşlərinin harada keçirilməsi ilə bağlı qərarı özünün verdiyini deyən idmançı bildirib ki, döyüşlərlə bağlı ona təkliflər çox olur: "Türkiyədə olan döyüşün belə bitməsini istəməzdim, çünki döyüşü fərqli qurmaq istəyirdim. Rəqibimin zədələnməsini istəməzdim, zədəni mən ona vurmaq istəyərdim". 

    Z.Səmədov bildirib ki, avqustun 23-ü Əhməd Hacı Kadırovun ad gününə həsr olunmuş turnirdə iştirakı gözlənilir: "Son iki ildir mən orda vuruşuram". 

    Qeyd edək ki, Z.Səmədov may ayının 14-də belçikalı Məhəmməd Malik Sinistra ilə üz-üzə gəlib. Gebze İdman Sarayında baş tutan qarşılaşma Zabitin 2-ci raundda qazandığı qələbəsi ilə yekunlaşıb. Rəqib ikinci raundda sağ ayağından aldığı ciddi zədə üzündən döyüşü davam etdirə bilməyib və hakim qarşılaşmanın Z.Səmədovun xeyrinə dayandırıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi