Yeniyetmə cüdoçuların Azərbaycan birinciliyinin ilk gününə yekun vurulub

Bakı. 16 noyabr. REPORT.AZ/ "Sərhədçi" Olimpiya İdman Kompleksində yeniyetmə cüdoçular arasında keçirilən Azərbaycan birinciliyinin ilk gününə yekun vurulub.

“Report” xəbər verir ki, yarışların birinci günü qızlar arasında bütün, oğlanların mübarizəsində isə iki çəki dərəcəsində qaliblər müəyyənləşib.

Yekunda Xəlilova Ruslana (36 kq), Şirinzadə Aydan (40 kq), Alıyeva Səbinə (44 kq), Kərimova Vüsalə (48 kq), Bayramova Ülviyyə (52 kq), Səfərova Fəridə (57 kq), Ağayeva Südabə (63 kq), Əmirli Nərmin (70 kq), Kərimova Rəvanə (+70 kq), Rzayev Aydın (46 kq) və Hacıyev Mirağa (50 kq) Azərbaycan çempionu adını qazanıblar.

Qeyd edək ki, yarışda 565 cüdoçu mübarizə aparır. Yeniyetmələrin ölkə birinciliyi noyabrın 17-də başa çatacaq.