Yarış vaxtı motosikletçi ilə toqquşan belçikalı velosipedçi dünyasını dəyişib

Bakı. 28 mart. REPORT.AZ/ "Wanty-Gobert" komandasının velosipedçisi Antuan Demuati birgünlük "Gent-Vevelgem" yürüşündə motosikletçi ilə toqquşma nəticəsində həyatını itirib. "Report"un məlumatına görə, 26 yaşlı idmançı Fransanın şimalında baş vermiş insidentdən sonra Lill xəstəxanasına yerləşdirilib. 

İntensiv terapiya şöbəsində həkimlərin səylərinə baxmayaraq, belçikalı velosipedçinin həyatını xilas etmək mümkün olmayıb. 

Hazırda işi polis araşdırır.