Yaponiya idmançıları da "Zika" virusu üzündən olimpiadanı buraxa bilər

Bakı. 10 fevral. REPORT.AZ/ Yaponiya Olimpiya Komitəsi (JOC) öz idmançılarını "Zika" virusu üzündən 2016-cı il Rio-de-Janeyro Yay Olimpiya Oyunlarına buraxmaya bilər. "Report"un məlumatına görə, bu barədə komitədən TASS-a açıqlama verilib. 

Bildirilib ki, hazırda problemin ən münasib həlli üzərində iş gedir. Komitə Yaponiya İdman İdarəsi və digər maraqlı təşkilatlarla məsləhətləşir: "JOC Rio-2016 Təşkilat Komitəsi ilə informasiya mübadiləsi aparır, ən əlverişli qərarın qəbulu üzərində işləyir".  

Qeyd edək ki, daha öncə ABŞ və Keniya da olimpiadaya qatılmamalarının mümkünlüyünü açıqlayıb. Rio-2016 5 - 21 avqustda keçiriləcək.