UWW-dən Rafiq Hüseynova təbrik: "Hər səviyyədə uğurla dolu əfsanəvi karyera"

Dünya Güləş Birliyi (UWW) Azərbaycanın yunan-Roma güləşçisi Rafiq Hüseynovu ad günü münasibətilə təbrik edib.

"Report" xəbər verir ki, UWW-nin sosial şəbəkə hesabındakı paylaşımda 34 yaşı tamam olan idmançının qazandığı uğurlar qeyd olunub.

Postun üzərində isə "Hər səviyyədə müvəffəqiyyətlə dolu əfsanəvi karyera" yazılıb.

Qeyd edək ki, Rafiq Hüseynov Tokio-2020 Yay Olimpiya Oyunlarının bürünc mükafatçısı, həmçinin, dünya və üçqat Avropa çempionudur.