Tokio-2020: Yunanıstan üzgüçüsündə koronavirus aşkarlanıb

Tokio-2020 Yay Olimpiya Oyunlarında Yunanıstanın sinxron üzgüçülük komandasının üzvlərindən birinin koronavirus testi müsbət nəticə verib.

"Report"un məlumatına görə, Yunanıstan Olimpiya Komitəsi həmin qadın idmançının adını açıqlamayıb. Bildirilib ki, üzgüçü Olimpiya Kəndindən kənardakı xüsusi karantin mehmanxanasında təcrid olunub. Digər idmançıların testi mənfi çıxıb. Onlar Olimpiya Kəndində intensiv nəzarət altında qalacaqlar.