Tokio-2020: Nümayəndə heyətlərinin sayı 53 000 nəfərə endiriləcək

Tokio Yay Olimpiya və Paralimpiya Oyunlarına yollanacaq nümayəndə heyətlərinin ümumi sayı 53 000 nəfərədək endiriləcək.

"Report"un məlumatına görə, bu barədə Oyunların Təşkilat Komitəsinin rəhbəri Seyko Hasimoto açıqlama verib. Öncədən Tokio-2020-də heyət sayının 180 000 nəfər olacağı güman edilib. Sonradan Yaponiya tərəfi koronavirusun yayılması səbəbindən rəqəmdə dəfələrlə düzəliş edib.

Qeyd edək ki, Tokio Yay Olimpiya Oyunları 23 iyul - 8 avqustda keçirilməlidir. Martın 20-də təşkilatçılar Oyunları əcnəbi azarkeşlərsiz təşkil etməyə qərara verib.