Tokio-2020: Maykl Felpsin rekordu qırılıb

Macarıstanlı üzgüçü Kriştof Milak Tokio-2020 Yay Olimpiya Oyunlarında qızıl medal qazanıb.

"Report"un məlumatına görə, 21 yaşlı idmançı 200 metr məsafəyə batterflay üsulu ilə üzmədə 1 dəqiqədə, 51,25 saniyə nəticə göstərib.

O, ABŞ-ın əfsanəvi üzgüçüsü Maykl Felpsin (1 dəqiqə, 52,03 saniyə) olimpiya rekordunu qırıb.

Qeyd edək ki, Tokio olimpiadası avqustun 8-də başa çatacaq.