Tokio-2020: Daha 27 nəfərdə koronavirus aşkarlanıb

Tokio Yay Olimpiya Oyunlarında son sutkada azı 27 nəfərdə koronavirus aşkarlanıb.

Bu barədə "Report" Tokio-2020-nin Təşkilat Komitəsinin saytına istinadən xəbər verir.

Məlumata görə, virusa yoluxanlardan 3-ü idmançılardır. Beləliklə, olimpiada iştirakçılarından testi müsbət çıxanların ümumi sayı 225 nəfərə çatıb.

Artıq ikinci gündür, oyunlarla əlaqəli insanlar arasında gündəlik yeni yoluxma rekordu yenilənir. Cümə axşamı təşkilatçılar 24 yeni yoluxmanı elan ediblər.