Taekvondo üzrə Azərbaycan yığmasına böyük məşqçi təyin olunub

Bakı. 25 yanvar. REPORT.AZ/ Taekvondo üzrə böyüklərdən ibarət Azərbaycan yığmasına yeni böyük məşqçi təyin olunub.

"Report"un məlumatına görə, bu vəzifə Rəşad Əhmədova həvalə olunub. 

Bununla bağlı qərar Taekvondo Federasiyasının İdarə Heyətinin son iclasında qəbul edilib.

Qeyd edək ki, buna qədər komandanın böyük məşqçisi Elnur Amanov idi. O, qadınlardan ibarət yığmaya baş məşqçi təyin olduqdan sonra həmin post boş qalmışdı.