4 qat dünya çempionu "Ferrari" ilə yeni müqavilə imzalamaqdan imtina etdi

“Formula 1”də çıxış edən “Ferrari” pilotu Sebastyan Fettel komandası ilə müqaviləni yeniləməkdən imtina edib.

“Report” “Sky Italia” nəşrinə istinadən xəbər verir ki, almaniyalı sürücünün hazırkı sözləşməsi bu ilin sonunda başa çatır. İtaliya təmsilçisi Fettelə daha az əmək haqqı ilə müqavilənin uzadılmasını təklif edib, lakin rədd cavabı alıb.

Bildirilib ki, “Ferrari” Fettelə ildə cəmi 12 milyon avro təklif edib. Lakin mövcud müqaviləyə əsasən dördqat dünya çempionunun illik əmək haqqı 40 milyon avro təşkil edir.