Bakı. 10 yanvar. REPORT.AZ/ Azərbaycan I Divizionunda mübarizə aparan "Səbail" klubu ikinci futbolçu transferini həyata keçirib.
"Report"un "aslanlar"ın rəsmi saytına istinadən verdiyi məlumata görə, bu, son klubu "Zaqatala" olan Ruslan Tağızadədir.
Klub iyirmi üç yaşlı sağ cinah müdafiəçisi ilə 1,5 illik müqavilə imzalayıb. U-17, U-19 və U-21 millilərinin də şərəfini qorumuş Tağızadə karyerası ərzində "Neftçi", "Abşeron", "Sumqayıt", AZAL, "Qəbələ" və "Zaqatala"da çıxış edib.
Qeyd edək ki, "Zaqatala" daha əvvəl 22 yaşlı müdafiəçi Aslan Hüseynovla 1 illik anlaşma əldə edib.