Yuxarı
    Bağlamaq

    Sahib Ələkbərov Avropa Velosipedçilər İttifaqının İdarə Heyətinə üzv seçilib

    Seçki UEC-in Baş Assambleyası çərçivəsində baş tutub

    Bakı. 6 mart. REPORT.AZ/ Azərbaycan Velosiped İdmanı Federasiyasının vitse-prezidenti, vergilər nazirinin müavini Sahib Ələkbərov yeni vəzifədə çalışacaq. "Report"un məlumatına görə, S.Ələkbərov Avropa Velosipedçilər İttifaqının (UEC) İdarə Heyətinə üzv seçilib.

    Seçki UEC-in Belçikanın paytaxtı Brüsseldə keçirilmiş Baş Assambleyası çərçivəsində baş tutub. Azərbaycanlı funksionerdən başqa, danimarkalı Henrik Yens Yensen, almaniyalı Martin Volf, polşalı Aqata Lanq, rusiyalı Aleksandr Qusyatnikov və isveçrəli Rokko Kattaneo da İdarə Heyətində yer alacaq. Son 3 şəxs həm də UEC-in vitse-prezidenti seçilib. Baş katib vəzifəsi italiyalı Enriko Della Kasaya həvalə olunub. Baş Assambleyada UEC prezidenti də seçilib. Fransalı David Lappartient yenidən bu vəzifədə çalışacaq.

    Qeyd edək ki, bütün rəhbər şəxslər 2021-ci ilədək fəaliyyət göstərəcəklər.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi