Yuxarı

​Rusiyalı Olimpiya çempionuna Naftalanda müalicə olunmaq tövsiyə edilib

Anna Çiçerova: Mənim istirahətim güman edildiyindən tez başladı

Bakı. 20 sentyabr. REPORT.AZ/ Rusiyanın hündürlüyə tullanma üzrə Olimpiya çempionu Anna Çiçerovaya Azərbaycanın Naftalan kurortunda müalicə olunmaq tövsiyə edilib.

"Report" xəbər verir ki, bu barədə "Sport-express" nəşrinə müsahibəsində atlet özü məlumat verib.

Pekində keçirilən Dünya çempionatında zədəli vəziyyətdə çıxış etdiyini bildirən Anna Çiçerova bərpa olunmaq planları haqqında bunları deyib:

"Əvvəlcə mən, çox güman ki, suyu olduqca faydalı olan Ölü dənizə yollanacağam. Bir də mənə Azərbaycanın Naftalan mənbələrinə getməyi tövsiyə ediblər. Bərpa dövrü böyük ehtimal ki, noyabrın ilk həftəsinədək davam edəcək. Sadə dillə desək, mənim istirahətim güman edildiyindən tez başladı".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi