Yuxarı
    Bağlamaq

    ​Rusiya Güləş İdmanı Federasiyasının I vitse-prezidenti selfi edərkən dərədən çaya düşüb

    Adlan Varayev çaya yıxıldıqdan sonra yoxa çıxıb

    Bakı. 4 may. REPORT.AZ/ Rusiya Güləş İdmanı Federasiyasının (RGİF) I vitse-prezidenti Adlan Varayev çaya yıxıldıqdan sonra yoxa çıxıb.

    "Report"un məlumatına görə, bu barədə TASS-a RGİF-in prezidenti Mixail Mamiaşvili açıqlama verib.

    O bildirib ki, insident Varayevin vətəni Çeçenistanda baş verib: "Adlan hələ də tapılmayıb. Hamımız ondan ötrü dua edirik".

    Varayev Arqun dərəsindən təbiəti çəkərkən və ya selfi edərkən, 30-40 metr hündürlükdən çaya düşüb. Hadisə yerindən onun qapıları açıq maşınında bütün sənədləri aşkarlanıb.

    Qeyd edək ki, Adlan Varayev olimpiya medalı qazanan ilk çeçendir. O, 1988-ci il Seul olimpiadasında sərbəst güləş yarışlarında gümüş medala sahib olub. O, habelə 1987-ci il dünya çempionatının qalibi, 1986-cı il mundialının gümüş mükafatçısıdır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi