Yuxarı
    Bağlamaq

    ​Ramil Quliyev Türkiyə yığmasının heyətində Avropa vitse-çempionu olub

    O, 200 metr məsafəyə qaçışda bu nailiyyətə imza atıb

    Bakı. 9 iyul. REPORT.AZ/Hazırda Türkiyə millisində çıxış edən əslən azərbaycanlı atlet Ramil Quliyev Hollandiyanın paytaxtı Amsterdamda keçirilən Avropa çempionatında gümüş medal qazanıb. "Report"un məlumatına görə, 26 yaşlı sprinter 200 metr məsafəyə qaçışda bu nailiyyətə imza atıb.

    O, finalda finişə 20,51 saniyəyə üçüncü çatıb. Lakin finişə birinci çatan hollandiyalı Çurandi Martina başqa qaçış zolağına keçdiyi üçün diskvalifikasiya olunub. Nəticədə qızıl medal ispaniyalı Bruno Hortelanoya, gümüş medal isə Quliyevə nəsib olub.

    Qeyd edək ki, Ramil Quliyev əvvəllər gənclər arasında Avropa çempionu olub. Bu, onun böyüklər arasında ilk böyük uğurudur. Quliyev 2011-ci ilin aprelində Türkiyə vətəndaşlığını qəbul edib. 26 yaşlı sprinter Azərbaycanda ona lazımi diqqətin göstərilməməsini səbəb gətirərək, bu addımı atdığını söyləyib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi