Pxençxan-2018: Qadınların hokkey yarışında üçüncü yerin sahibi müəyyənləşib

Bakı. 21 fevral. REPORT.AZ/ Finlandiyanın qadınlardan ibarət hokkey üzrə milli komandası Cənubi Koreyanın Pxençxan şəhərindəki XXIII Qış Olimpiya Oyunlarında bürünc medal qazanıb.

“Report” xəbər verir ki, Finlandiya komandası üçüncü yer uğrunda görüşdə Rusiya yığmasını məğlub edib – 3:2.

Qeyd edək ki, fevralın 22-də keçiriləcək final matçında ABŞ və Kanada kollektivləri üz-üzə gələcəklər. Oyun Bakı vaxtı ilə saat 08:10-da start götürəcək.