Azərbaycan para-taekvandoçuları Tokio-2020-yə lisenziya qazandı-YENİLƏNİB-2

Azərbaycan para-taekvandoçuları Tokio-2020-yə lisenziya qazandı-YENİLƏNİB-2 Para-taekvandoçu Aynur Məmmədova Tokio-2020 Yay Paralimpiya Oyunlarında iştiraka lisenziya qazanıb
Fərdi
197
9 May , 2021 20:04
Azərbaycan para-taekvandoçuları Tokio-2020-yə lisenziya qazandı-YENİLƏNİB-2

Azərbaycan para-taekvandoçusu İmaməddin Xəlilov (61 kq) Bolqarıstanın paytaxtı Sofiyada keçirilən Avropa Təsnifat turnirinin finalında israilli rəqibini məğlub edərək qızıl medal qazanıb.

Milli Paralimpiya Komitəsindən "Report"a verilən məlumata görə, bu qələbə sayəsində İmaməddin Xəlilov Tokio-2020 XVI Yay Paralimpiya Oyunlarına birbaşa vəsiqəyə sahib olub.

Beləliklə, Milli Paralimpiya Komitəsinin idmançıları 5 idman növündə artıq 13 lisenziya (atletika – 3, üzgüçülük – 3, güllə atıcılığı – 2, pauerliftinq – 1, taekvando – 4) qazanıblar.

Azərbaycan para-taekvandoçuları turnirdə uğurlu nəticə göstərərək Tokio-2020 Yay Paralimpiya Oyunlarında iştiraklarını təmin ediblər.

Qeyd edək ki, para-taekvando idman növü ilk dəfə olaraq Paralimpiya Oyunlarının proqramına salınıb.

19:30

Bolqarıstanın paytaxtı Sofiyada keçirilən Avropa Təsnifat Turnirirdə Azərbaycanın para-taekvondo üzrə milli komandası Tokio Yay Paralimpiya Oyunlarına daha 2 lisenziya qazanıb.

Milli Paralimpiya Komitəsindən "Report"a verilən məlumata görə, həmin vəsiqələrə Röyalə Fətəliyeva (49 kq) və Əbülfəz Abuzərli (75 kq) sahib çıxıb. Fətəliyeva və Abuzərli finalda gürcüstanlı rəqiblərini məğlub edərək, həm də qızıl medala yiyələniblər.

Bununla Milli Paralimpiya Komitəsinin idmançıları 5 idman növündə artıq 12 lisenziya əldə ediblər. Bunlardan hərəyə 3-ü para-taekvondo, para-atletika və üzgüçülük, 2-si güllə atıcılığı, hərəyə 1-i pauerliftinq və taekvando növlərində qazanılıb.

Qeyd edək ki, para-taekvando idman növü ilk dəfə olaraq Paralimpiya Oyunlarının proqramına salınıb.

19:15

Bolqarıstanın paytaxtı Sofiyada keçirilən Avropa Təsnifat Turnirində Azərbaycanın para-taekvondo üzrə milli komandası Tokio Yay Paralimpiya Oyunlarına ilk lisenziyanı qazanıb.

Milli Paralimpiya Komitəsindən "Report"a verilən məlumata görə, həmin vəsiqəyə qadınların yarışında Aynur Məmmədova 58 kq çəki dərəcəsində yiyələnib. Məmmədova finalda ispaniyalı rəqibini məğlub edərək, həm də qızıl medala sahib olub.

Bununla da Azərbaycan paralimpiyaçıları 5 idman növündə artıq 10 lisenziya əldə ediblər. Bunlardan hərəyə 3-ü para-atletika və üzgüçülük, 2-si güllə atıcılığı, hərəyə 1-i pauerliftinq və taekvando növlərində qazanılıb.

Qeyd edək ki, para-taekvando növü Paralimpiya Oyunlarının proqramına ilk dəfə salınıb.

Son xəbərlər

Orphus sistemi