Bakı. 28 may. REPORT.AZ/ İspaniyalı tennisçi Rafael Nadal Fransada keçirilən "Roland Qarros" turnirindən çəkildiyini açıqlayıb.
"Report"un məlumatına görə, 2008-ci il Pekin Yay Olimpiya Oyunlarının qızıl medalçısı biləyindən zədə aldığı üçün yarışı yarımçıq tərk edib.
30 yaşlı tennisçi buna görə təəssüfləndiyini deyib: "Parisə gəldiyim zaman yüngül ağrılarım vardı. Yarışlara iynə ilə çıxırdım. Ancaq sonra dözülməz ağrılar yarandı".
Qeyd edək ki, Nadal tennis mövsümünün 2-ci "Böyük dəbilqə"si olan "Rolan Qarros"da 9 dəfə qalib olub.