Yuxarı
    Bağlamaq

    Olimpiadalara transgenderlərin də buraxılmasına icazə verilir

    Beynəlxalq Olimpiya Komitəsinin tibb məmurları siyasəti dəyişib

    Bakı. 25 yanvar. REPORT.AZ/ Trans genderli idmançılar olimpiadalara cinsini dəyişmə əməliyyatı aparılmadan buraxıla bilərlər. "Report"un məlumatına görə, Beynəlxalq Olimpiya Komitəsinin tibb məmurları transgender məsələləri üzrə siyasəti hazırkı elmi, sosial və hüquqi münasibətlərə adaptasiya məqsədilə dəyişdirdiklərini açıqlayıb.

    2003-cü ildə təsdiqlənmiş əvvəlki rəhbər prinsiplərə uyğun olaraq, cinsini dəyişənlər müvafiq əməliyyat aparmalı və yarışlara buraxılmaqdan ötrü ən azı 2 il ərzində hormonal terapiya keçməli idilər. İndi cərrahi müdaxilə vacib deyil. Cinslərini kişidən qadına dəyişənlər testosteronun səviyyəsinin müəyyən səviyyədən aşağı olduğunu rəsmi yarışdan ən azı bir il əvvələdək nümayiş etdirməlidirlər.

    Qeyd edək ki, növbəti olimpiada 5 - 21 avqustda Braziliyanın Rio-de-Janeyro şəhərində keçiriləcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi