Olimpiada-2018: Kişi bobsleyçilərin qoşa mübarizəsində qızıl medalı eyni vaxtda iki ölkə qazanıb

Bakı. 19 fevral. REPORT.AZ/ Cənubi Koreyanın Pxençxan şəhərində keçirilən XXIII Qış Olimpiya Oyunlarında bobsley üzrə kişilərin qoşa mübarizəsinə yekun vurulub.

"Report"un məlumatına görə, olimpiya çempionluğunu iki ölkə əldə edib. Kanadanı təmsil edən Castin Kripps və Aleksandr Kopaç, eləcə də Almaniyadan olan Françesko Fridrix və Torsten Margis 3 dəqiqə 16,86 saniyə nəticə göstərib. Nəticədə hər iki duet qızıl medal qazanıb. 

Bürünc medala isə 3 dəqiqə 16,91 saniyə göstərici ilə Oskar Melbardis - Yanis Strenqa (Latviya) cütlüyü yiyələnib.