Nazirlik bu il fəxri ad alan idman adamlarının sayını açıqladı

Gənclər və İdman Nazirliyi 2020-ci ildə idman sahəsində fəxri ad alanların sayını açıqlayıb.

Nazirliyin Mətbuat katibi Səmayə Məmmədovanın "Report"a verdiyi məlumata görə, 20 nəfər "Azərbaycan Respublikasının Əməkdar məşqçisi" adı alıb.

O bildirib ki, 12 nəfər "Azərbaycan Respublikasının Fəxri Bədən Tərbiyəsi və İdman işçisi", 7 nəfər "Azərbaycan Respublikasının Əməkdar İdman Ustası" fəxri adına, 2 nəfər isə "Respublika dərəcəli hakim" adına layiq görülüb.