Yuxarı
    Bağlamaq

    Nazir Azad Rəhimov Avropa Olimpiya Komitəsinin prezidenti ilə görüşüb

    Görüşdə Azərbaycanın ev sahibliyi edəcək oyunlara hazırlıq prosesi müzakirə olunub

    Bakı. 22 yanvar. REPORT.AZ/ Gənclər və idman naziri Azad Rəhimov İsveçrənin Lozanna şəhərində səfərdədir. Nazirliyin mətbuat xidmətindən "Report"a verilən məlumata görə, səfərin məqsədi Avropa Olimpiya Komitələrinin İcraiyyə Komitəsinin növbəti iclasında iştirak etməkdir.

    Səfər çərçivəsində nazir Azad Rəhimov Avropa Olimpiya Komitəsinin (AOK) prezidenti Patrik Hikki, AOK Əlaqələndirmə Komissiyasının sədri Spiros Kapralos, Olimpiya Həmrəyliyi Hərəkatının rəhbəri Pere Miro, AOK idarə heyətinin üzvü Christophe de Keeper ilə görüşüb.

    Görüşlər çərçivəsində "Bakı-2015"də yüksək səviyyədə görülən işlərdən söz açılıb və Azərbaycanın qazandığı təcrübəni ev sahibliyi edəcək növbəti ölkə ilə bölüşməsinin önəmi diqqətə çatdırılıb.

    Eyni zamanda, görüş çərçivəsində 2016-cı ildə Azərbaycanda keçiriləcək Şahmat Olimpiadası, "Formula-1" Qran-Pri turniri, 2017-ci ildə gerçəkləşəcək İslam Həmrəyliyi Oyunları haqda söz açılıb və oyunlara hazırlıq prosesi barədə məlumat verilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi