Nazim Babayev: "İçimdəki hiss məni heç bir halda təslim olmağa qoymaz"

Nazim Babayev: "İçimdəki hiss məni heç bir halda təslim olmağa qoymaz" "Bunu qəbul etmək çox çətindir. Ən çox üzüldüyüm isə mənə dəstək olanların, bütün Azərbaycan xalqının etimadını doğrulda bilməməyimdir".
Fərdi
726
3 Avqust , 2021 19:57
Nazim Babayev: İçimdəki hiss məni heç bir halda təslim olmağa qoymaz
Nazim Babayev

"Bunu qəbul etmək çox çətindir. Ən çox üzüldüyüm isə mənə dəstək olanların, bütün Azərbaycan xalqının etimadını doğrulda bilməməyimdir".

"Report"un məlumatına görə, bunu Azərbaycan atleti Nazim Babayev özünün şəxsi instaqram səhifəsində yazıb.

Tokio-2020 Yay Olimpiya Oyunlarında üç təkanla tullanma növündə finala yüksələ bilməyən idmançı ilk növbədə ona dəstək olan insanlara təşəkkür edib: "Hər kəsə, ailəmə, dostlarıma, məşqçimə və bütün Azərbaycan xalqına öz dərin minnətdarlığımı bildirirəm. Bütün yazılan mesajları, xoş sözləri gorürəm və sizə dəstəyinizə görə hədsiz dərəcədə minnətdaram".

Karyerasının ikinci olimpiadasının geridə qaldığını söyləyən Babayev bugünkü çıxışının uğurlu olmadığını vurğulayıb: "4 ay müddətində ardıcıl zədələr, uzun müddət yarışlarda çıxış edə bilməməyim və s. uğursuzluğa təsir etdi. Amma içimdəki hiss məni heç bir halda təslim olmağa qoymaz! Heç bir halda yolumdan dönmərəm. Bu, hələ son deyil. Mən heç yana getmirəm. Bir az istirahətdən sonra yeni mövsümə hazırlıq başlayacaq. Qarşıdakı 3 il müddətində var gücümlə çalışacağam və biz sizinlə Parisdəki olimpya oyunlarında görüşəcəyik .Mümkündür".

Atlet sonda Azərbaycanı Tokio olimpiadasında təmsil etdiyi üçün həqiqətən qürur duyduğunu bildirib.

Qeyd edək ki, Nazim Babayev olimpiadada 32 idmançı arasında 15-ci yeri tutub.

Son xəbərlər

Orphus sistemi