Namiq Əliyev: "Lisenziyaların azlığının obyektiv və subyektiv səbəbləri var"

Namiq Əliyev: "Lisenziyaların azlığının obyektiv və subyektiv səbəbləri var" "Turnir bizim üçün tarixi nailiyyətlə yadda qaldı. İlk dəfə yunan-Roma güləşçilərimiz komanda hesabında çempion oldu.
Fərdi
115
22 İyun , 2021 14:18
Namiq Əliyev: Lisenziyaların azlığının obyektiv və subyektiv səbəbləri var
Namiq Əliyev

"Turnir bizim üçün tarixi nailiyyətlə yadda qaldı. İlk dəfə yunan-Roma güləşçilərimiz komanda hesabında çempion oldu".

"Report"un məlumatına görə, bu fikirləri Azərbaycan Güləş Federasiyasının prezident əvəzi Namiq Əliyev Bolqarıstanın Samokov şəhərində keçirilmiş yeniyetmə güləşçilərin Avropa çempionatı ilə bağlı danışarkən deyib.

O, sərbəst güləşçilərin də pis çıxış etmədiyini bildirib: "Bu uşaqların hamısı öz yetirmələrimizdir, legioner yoxdur. Bu uğur onu göstərir ki, Azərbaycan güləşinin böyük gələcəyi var".

Əliyev Tokio-2020 Yay Olimpiya Oyunlarına adlı-sanlı güləşçilərin lisenziya qazandıqlarını söyləyib: "Onların hər birinin medalla qayıdacağına inanıram. Medalın əyarını deyə bilmərəm".

Federasiya rəsmisinin fikrincə, olimpiya lisenziyalarının azlığının obyektiv və subyektiv səbəbləri var: "Burada pandemiya amili də var. Ölkə daxilində yarış keçirə bilmədik. 2-3 lisenziyanı təsadüf nəticəsində itirdik. Daha yaxşı ola bilərdi. Psixoloji durum da önəmlidir. Olimpiada ilə bağlı o qədər təlimatlar çıxır ki, onlar da gərginliyə düşür. Hamı oraya normal psixoloji durumda getmək istəyir".

O, həmişə olimpiada öncəsi hazırlıqlarını Göy-Göldə gerçəkləşdirdiklərini sözlərinə əlavə edib: "Bu dəfə də orada hazırlaşırıq. Müxtəlif sınaqçı rəqiblərlə görüşlər olacaq. İran, Türkiyə və Dağıstandan idmançılar qatılacaq".

Son xəbərlər

Orphus sistemi