Yuxarı

Namiq Əliyev: "Ermənistan tərəfi idmanı siyasiləşdirməyə çalışır"

Hər zaman Ermənistan yığmasının Bakıya gəlişi ilə bağlı problem ortaya çıxır

Bakı. 11 iyun. REPORT.AZ/ "Biz dünya və Avropa çempionatı keçirməyə həmişə hazırıq. Amma hər dəfə Ermənistan yığmasının Bakıya gəlişi ilə bağlı problem ortaya çıxır". "Report"un məlumatına görə, bunu jurnalistlərə açıqlamasında Azərbaycan Güləş Federasiyasının (AGF) I vitse-prezidenti Namiq Əliyev deyib. 

O bildirib ki, Ermənistan tərəfi təhlükəsizlik məsələsini qaldıraraq dmanı siyasiləşdirməyə çalışır: "Halbuki biz bütün ölkələrin təhlükəsizliyini lazımınca təmin edirik. Üstəlik, yarışı elə səviyyədə təşkil edirik ki, heç bir ölkə narazı qayıtmır. Təsadüfi deyil ki, artıq indidən xarici qonaqlar I Avropa Oyunlarına çox yüksək səviyyədə hazırlıq işlərinin görüldüyünü bildirirlər".  

N.Əliyev AGF-nin dünya güləşinin inkişafındakı rolunu da vurğulayıb. O, təkcə Avropa deyil, dünya ölkələrinin idmançıları üçün hər il treninqlər təşkil etdiklərini xatırladıb.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi