"Formula 1" üzrə Avstraliya Qran-prisi koronavirus pandemiyasına görə qeyri-müəyyən tarixədək təxirə salınıb.
"Report" xəbər verir ki, bu barədə Böyük Britaniyanın BBC telekanalı məlumat yayıb.
Mövsümün ilk yarışı olan Avstraliya Qran-prisinin 13-15 martda Melburn şəhərində keçirilməsi planlaşdırılırdı. 5 -7 iyunda isə Azərbaycan Qran-prisi təşkil olunmalıdır.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 125 ölkədə qeydə alınıb.
Dünyada koronavirus infeksiyasına indiyədək yoluxanların sayı 130 238-ə çatıb. Bunların 68 677 nəfəri sağalıb, 4 756 nəfəri isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.