Millimizin böyük məşqçisi: "Türk xalqına minnətdarıq"

Millimizin böyük məşqçisi: "Türk xalqına minnətdarıq" "Türkiyənin bizə dəstəyi çox böyükdür. Türk xalqına minnətdarıq".
Fərdi
1398
2 Noyabr , 2020 09:46
Millimizin böyük məşqçisi: Türk xalqına minnətdarıq
Nəriman Abdullayev

"Türkiyənin bizə dəstəyi çox böyükdür. Türk xalqına minnətdarıq".

"Report"un məlumatına görə, bu fikirləri boks üzrə Azərbaycan millisinin böyük məşqçisi Nəriman Abdullayev "Anadolu" agentliyinə açıqlamasında Dağlıq Qarabağ münaqişəsi barədə danışarkən deyib.

Təcrübəli mütəxəssis bildirib ki, bu ərəfədə Türkiyə Azərbaycana xeyli yardım edib: "Türk idmançılarını da sevirik. Hamısı bizim qardaşlarımızdır. Türkiyənin bizə dəstəyi əvvəldən olub və indi də davam edir. Qarabağ bizimdir, Qarabağ Azərbaycandır. Boksçularımız arasında daha əvvəl döyüşlərdə iştirak edən və şəhid olanlar da var. Yığmanın üzvləri və məşqçiləri cəbhəyə getməyə hazırdır".

Hazırda Türkiyənin Kastamonu şəhərində təlim-məşq toplanışında olan yığmanın hazırlığını da dəyərləndirən Abdullayev Tokio-2020 Yay Olimpiya Oyunları ilə bağlı hədəflərini açıqlayıb: "Məşqlərimiz yaxşı keçir. Bu ilin fevralında da Kastamonuda toplanışda olmuşduq. Əsas hazırlığımız olimpiada ilə bağlıdır. Hədəfimiz Oyunlarda daha çox medal qazanmaqdır".

Millinin boksçularından Ruslan Rüstəmov isə bütün fikirlərinin Azərbaycan əsgərinin yanında olduğunu söyləyib: "Qarabağda müharibə gedir. Burada olsaq da, ürəyimiz qardaşlarımızla birlikdədir. Əsgərlərimiz döyüş meydanında vuruşur, biz də rinqdə mübarizə aparıb, bayrağımızı yüksəklərə qaldırırıq. İlk hədəfim olimpiadaya vəsiqə qazanmaq və bayrağımızı bütün dünyada dalğalandırmaqdır".

Qeyd edək ki, Tokio Yay Olimpiya Oyunları bu il 24 iyul - 9 avqustda keçirilməli idi. Lakin koronavirus pandemiyası üzündən olimpiada 2021-ci il 23 iyul - 8 avqusta təxirə salınıb.

Son xəbərlər

Orphus sistemi