MDB Oyunları: Azərbaycan növbəti medalını qazanıb

Azərbaycan tayboksçusu Rəvan Ağazadə Rusiyanın Kazan şəhərində keçirilən I MDB Oyunlarında final görüşünə çıxıb.

"Report"un yarışa ezam olunmuş əməkdaşının məlumatına görə, 67 kq-da çıxış edən idmançı qızıl medal uğrunda qarşılaşmada Belarus təmsilçisi Yevgeni Fyodorençiklə qüvvəsini sınayıb.

Rəqibinə məğlub olan Ağazadə ikinci yeri tutub.

Qeyd edək ki, hazırda Azərbaycanın aktivində 11 qızıl, 9 gümüş və 19 bürünc medal var.

Azərbaycanın qadın tayboksçusu Leyana Sayer Rusiyanın Kazan şəhərində keçirilən I MDB Oyunlarında final görüşünə çıxıb.

"Report"un yarışa ezam olunmuş əməkdaşının məlumatına görə, 51 kq-da mübarizə aparan idmançı belaruslu Albina Posoxla qarşılaşıb.

Rəqibinə uduzan Sayer gümüş medalla kifayətlənib.