MDB Oyunları: Azərbaycan badmintonçuları 1 qızıl, 3 gümüş, 1 bürünc medal qazanıb

MDB Oyunları: Azərbaycan badmintonçuları 1 qızıl, 3 gümüş, 1 bürünc medal qazanıb Azərbaycan badmintoçuları Rusiyanın Kazan şəhərində keçirilən I MDB Oyunlarında bürünc medal qazanıb.
Fərdi
974
11 Sentyabr , 2021 18:45
MDB Oyunları: Azərbaycan badmintonçuları 1 qızıl, 3 gümüş, 1 bürünc medal qazanıb

Azərbaycanın yeniyetmə və gənc badmintonçuları Rusiyanın Kazan şəhərində keçirilən I MDB Oyunlarında 1 qızıl, 3 gümüş və 1 bürüc medal qazanıb.

"Report"un Tatarıstan paytaxtına ezam olunmuş əməkdaşı xəbər verir ki, oğlan badmintonçuların şəxsi yarışında Diki Pangestu finalda Qazaxıstan idmançısı Dmitriy Panarini 2:0 hesabı ilə məğlub edərək MDB oyunlarının qalibi olub.

Qızların şəxsi yarışında Era Maftuha finalda Rusiya təmsilçisi Mariya Qolubevaya 0:2 hesabı ilə uduzaraq gümüş medala layiq görülüb.

Oğlanların qoşa yarışında Diki Pangestu - Məhəmməd Xədafi cütü finalda Rusiya badmintonçuları Georgiy Lebedev - Lev Barinov tandemi ilə qarşılaşıb. 3 set davam edən qarşılaşma rəqibin 2:1 hesablı qələbəsi ilə başa çatıb.

Qarışıq-qoşa yarışında yarımfinalda Pavel Moniç - Regina Qaliaxmetova (Rusiya) cütünə 0:2 hesabı ilə uduzan Aqil Qəbilov - Era Maftuha tandemi müvafiq kateqoriyada bürünc medal qazanıb.

Qeyd edək ki, daha öncə yeniyetmə və gənc badmintonçularımızdan ibarət Azərbaycan millisi komanda yarışında gümüş medal qazanıb.

17:47

Azərbaycan badmintonçusu Era Maftuha Rusiyanın Kazan şəhərində keçirilən I MDB Oyunlarında final görüşünə çıxıb.

"Report"un Tatarıstan paytaxtına ezam olunan əməkdaşının məlumatına görə, rəqib rusiyalı Mariya Qolubeva olub. Rəqibinə 0:2 hesabı ilə uduzan Maftuha qızların fərdi yarışında gümüş medal qazanıb.

17:23

Azərbaycan badmintonçusu Diki Pangestu Rusiyanın Kazan şəhərində keçirilən I MDB Oyunlarında oğlanların fərdi yarışında final görüşünə çıxıb.

"Report"un Tatarıstan paytaxtına ezam olunan əməkdaşının məlumatına görə, o, həlledici qarşılaşmada qazaxıstanlı Dmitri Panarinlə üz-üzə gəlib.

Qrup mərhələsində 2:0 hesabı ilə məğlub etdiyi rəqibinə finalda da qalib gələn Pangestu qızıl medal qazanıb.

14:06

Azərbaycanın daha bir badmintonçusu Rusiyanın Kazan şəhərində keçirilən I MDB Oyunlarında finala yüksəlib.

"Report"un Tatarıstan paytaxtına ezam olunan əməkdaşının məlumatına görə, Era Maftuha qızların fərdi yarışında həlledici qarşılaşmaya vəsiqə qazanıb.

O, yarımfinalda Belarus idmançısı Mariya Yanbayevaya 2:0 hesabı ilə qalib gəlib. Maftuhanın finaldakı rəqibi rusiyalı Mariya Qolubeva olacaq.

13:11

Azərbaycan badmintonçusu Diki Pangestu Rusiyanın Kazan şəhərində keçirilən I MDB Oyunlarında oğlanların fərdi yarışında yarımfinal görüşünə çıxıb.

"Report"un Tatarıstan paytaxtına ezam olunan əməkdaşının məlumatına görə, o, finala gedən yolda Rusiya təmsilçisi Georgi Lebedevlə qarşılaşıb.

Rəqibinə 2:1 hesabı ilə qalib gələn idmançı müvafiq kateqoriyada həlledici oyuna vəsiqə qazanıb. Pangestu finalda qrup mərhələsində 2:0 hesabı ilə məğlub etdiyi qazaxıstanlı Dmitri Panarinlə üz-üzə gələcək.

Final görüşü Bakı vaxtı ilə saat 16:00-da başlayacaq.

12:33

Azərbaycan badmintonçuları Rusiyanın Kazan şəhərində keçirilən I MDB Oyunlarında bürünc medal qazanıb.

"Report"un Tatarıstan paytaxtına ezam olunan əməkdaşının məlumatına görə, qarışıq-qoşada mübarizə aparan Aqil Qəbilov / Era Maftuha cütü yarımfinalda Rusiyanı təmsil edən Pavel Moniç / Regina Qaliaxmetova cütünə məğlub olmaqla, 3-cü yer tutub.

Qeyd edək ki, hazırda aktivində 13 qızıl, 11 gümüş və 27 bürünc medal olan Azərbaycan 3-cü pillədə qərarlaşıb.

Son xəbərlər

Orphus sistemi