Mariana Vasileva gənclər və idman nazirinin müavini kimi görəcəyi işləri açıqlayıb

Mariana Vasileva gənclər və idman nazirinin müavini kimi görəcəyi işləri açıqlayıb Gənclər və idman nazirinin yeni müavini Mariana Vasilevadan ilk açıqlama
Fərdi
486
6 Dekabr , 2021 09:59
Mariana Vasileva gənclər və idman nazirinin müavini kimi görəcəyi işləri açıqlayıb

Gənclər və idman nazirinin yeni müavini Mariana Vasileva təyinatı barədə açıqlama verib.

"Report"un xəbərinə görə, o, Prezident İlham Əliyevin sərəncamı ilə bu vəzifəyə təyin olunmasından böyük şərəf hissi keçirdiyini bildirib.

O, dövlət başçısına və Birinci vitse-prezident Mehriban Əliyevaya bu etimada görə təşəkkürünü bildirib.

M.Vasileva Azərbaycana xidmət etməkdən və ölkədə idmanın inkişafı üçün çalışmaqdan qürur duyduğunu vurğulayıb: "Bu vəzifədə çalışacağım müddətdə mənə göstərilən yüksək etimadı doğrultmağa, Azərbaycan idmanının inkişafı üçün öz təcrübəmi və bacarığımı var-gücümlə sərf etməyə çalışacağam!"

Qeyd edək ki, Mariana Vasileva Azərbaycan Respublikası Prezidentinin 29 noyabr 2021-ci il tarixli Sərəncamı ilə gənclər və idman nazirinin müavini təyin olunub. O, yeni vəzifədə İsmayıl İsmayılovu əvəzləyib.

Son xəbərlər

Orphus sistemi