Maqnus Karlsen: "Teymur Rəcəbovu məğlub etmək çətindir"

Maqnus Karlsen: "Teymur Rəcəbovu məğlub etmək çətindir" "Qələbə qazanmaq üçün əlimdən gələni edəcəyəm"
Fərdi
158
28 Aprel , 2021 13:00
Maqnus Karlsen: Teymur Rəcəbovu məğlub etmək çətindir
Teymur Rəcəbov və Maqnus Karlsen

"Növbəti dueldə qələbə qazanmaq üçün əlimdən gələni edəcəyəm".

"Report"un məlumatına görə, bunu şahmat üzrə norveçli dünya çempionu Maqnus Karlsen Çempionlar Turunun "New In Chess" adlı V raundunun 1/4 final mərhələsində Teymur Rəcəbova qarşı keçirdiyi görüşlərdən sonra deyib.

31 yaşlı qrossmeyster Rəcəbovun səviyyəli şahmatçı olduğunu bildirib: "Onu məğlub etmək çətindir".

Qeyd edək ki, 1/4 final mərhələsindəki ilk görüşünü qara fiqurlarla oynayan Rəcəbov bütün partiyalarda rəqibi ilə sülhə razılaşıb. "New In Chess"də Azərbaycan təmsilçilərindən Şəhriyar Məmmədyarov da iştirak edir. O, bu raundun ilk günündə Alireza Firuzcanı (FIDE) məğlub edib.

1/4 final mərhələsinin digər qarşılaşmaları bu gün baş tutacaq. Görüşlərdən sonra qalib müəyyənləşməsə, tay-brek oynanılacaq.

Son xəbərlər

Orphus sistemi