Yuxarı

​Macarıstan 2024-cü il yay Olimpiya Oyunlarının paytaxtı kimi Budapeştin namizədliyini irəli sürüb

Oyunların keçirilməsi üçün ərizələrin rəsmi qəbulu 2015-ci il sentyabrın 15-də başa çatacaq

Bakı. 8 iyul. REPORT.AZ/ Macarıstanın Milli Olimpiya Komitəsi (MOK) Budapeşti 2024-ci il Yay Olimpiya Oyunlarının paytaxtı kimi namizədliyini irəli sürüb. Bu barədə "Report" TASS agentliyinə istinadən xəbər verir.

2024-cü il yay Olimpiya Oyunlarının keçirilməsi üçün ərizələrin rəsmi qəbulu yanvar ayının 15-dən başlayıb və 2015-ci il sentyabrın 15-də başa çatacaq.

Olimpiya Oyunlarının paytaxtını Beynəlxalq Olimpiya Komitəsi 2017-ci ildə Limada baş tutacaq təşkilatın 130-ci sessiyasında elan edəcək.

Qeyd edək ki, bundan əvvəl Oyunlara ev sahibliyi etmək üçün namizədliklərini Roma (İtaliya), Hamburq (Almaniya), Boston (ABŞ) və Paris (Fransa) irəli sürüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi