Bakı. 27 mart. REPORT.AZ/ Kirsan İlümjinov FİDE prezidenti vəzifəsindən istefa verdiyinə dair rəsmi məlumatı təkzib edib. K.İlümjinov TASS-a açıqlamasında qurumun rəhbəri postundan getmədiyini bildirib.
"Məni devirmək istəyirdilər. Amma bunu edə bilmədilər. Heç nə imzalamamışam və istefaya da getmirəm. Fikrimcə, bu, amerikalıların işidir və ələ vermə adlanır".
**** 16:45
Kirsan İlümjinov FİDE prezidenti vəzifəsindən istefa verib
Kirsan İlümjinov Beynəlxalq Şahmat Federasiyasının (FİDE) prezidenti vəzifəsindən istefa verib.
"Report"un qurumun rəsmi saytına istinadən verdiyi məlumata görə, rusiyalı funksioner qərarını FİDE Şurasının Yunanıstanın paytaxtı Afinada keçirilmiş iclasında açıqlayıb. Qurumun Direktorlar Şurasının iclası aprelə təyin olunub.
Qeyd edək ki, Kirsan İlümjinov FİDE-yə 1995-ci ildən rəhbərlik edirdi.