Keniyalı dünya çempionu qəzada ölüb

Bakı. 8 avqust. REPORT.AZ/ Sədlərlə 400 metr məsafəyə qaçış üzrə sabiq dünya çempionu keniyalı Nikolas Bett həlak olub. 

"Report" xəbər verir ki, bu barədə Keniya Atletika Federasiyası məlumat yayıb. 28 yaşlı atlet Nandi şəhərində avtomobil qəzasında dünyasını dəyişib. 

Qeyd edək ki, Nikolas Bett 2015-ci ildə Çinin paytaxtı Pekində keçirilmiş dünya çempionatında 47.79 saniyə göstərici ilə qalib olub.