Bakı. 26 aprel. REPORT.AZ/ IV İslam Həmrəyliyi Oyunları çərçivəsində keçiriləcək futbol yarışında Azərbaycanı təmsil edəcək hakimlərin adları açıqlanıb.
“Report”un AFFA-nın rəsmi saytına istinadən verdiyi məlumata görə, İslamiadada 4 referi və eyni sayda köməkçi hakim iş başında olacaq.
Qarşılaşmalara Əliyar Ağayev, Rəhim Həsənov, Ömər Paşayev və Orxan Məmmədov referi, Zeynal Zeynalov, Yaşar Abbasov, Rza Məmmədov və Namiq Hüseynov köməkçi-hakimlər qismində təyinat alıblar.
Qeyd edək ki, futbol yarışları 8 komandanın iştirakı ilə 8 - 21 mayda keçiriləcək.