İddiaçılar Turnirinin keçiriləcəyi tarix açıqlandı

İddiaçılar Turnirinin keçiriləcəyi tarix açıqlandı
Fərdi
114
29 İyun , 2020 12:36
İddiaçılar Turnirinin keçiriləcəyi tarix açıqlandı

FIDE bir ay müddətində İddiaçılar Turnirinin yerini və vaxtını müəyyənləşdirəcək. 

"Report" TASS-a istinadən xəbər verir ki, bu barədə qurumun prezidenti Arkadi Dvorkoviç "koronavirusdan sonra şahmat" adlı onlayn sessiyada açıqlama verib. 

Dvorkoviç həftə boyu məsləhətləşmələr apardıqlarını söyləyib. O, yarışı böyük ehtimalla payızda, sentyabr-oktyabr aylarında keçirəcəklərini deyib: "Yenə Yekatürunburqda turniri keçirmək niyyətindəyik, amma Rusiya başqa şahmatçıları qəbul etməyə hazır deyilsə, başqa alternativləri də nəzərdən keçiririk". 

Qeyd edək ki, Teymur Rəcəbov İddiaçılar Turnirindən koronavirusun yayılması səbəbindən imtina etmişdi. Rusiyanın Yekaterinburq şəhərindəki turnir martın 26-da yarımçıq dayandırılıb. Buna Rusiya Federasiyası hökumətinin digər ölkələrlə hava əlaqəsinin kəsilməsi barədə qərarı səbəb olub. Turnirin VIII turdan davam etdiriləcəyi açıqlanıb. 7 turdan sonra fransalı Maksim Vaşye-Laqrav və rusiyalı Yan Nepomnyaşi hərəyə 4 xalla ilk 2 pilləni bölüşür.