Sabah Dünya Kubokunda Azərbaycan yığmalarının rəqibləri müəyyənləşəcək

Sabah Dünya Kubokunda Azərbaycan yığmalarının rəqibləri müəyyənləşəcək Mərasim İsveçrənin Lozanna şəhərində yerləşən Olimpiya Muzeyində baş tutacaq
Fərdi
113
13 Yanvar , 2015 15:10
Sabah Dünya Kubokunda Azərbaycan yığmalarının rəqibləri müəyyənləşəcək

Bakı. 13 yanvar. REPORT.AZ/ Sərbəst, yunan-Roma və qadın güləşi üzrə Dünya Kuboku yarışlarının püşkatma mərasimi keçiriləcək. "Report"un məlumatına görə, mərasim yanvarın 14-də Bakı vaxtı ilə saat 17:00-da İsveçrənin Lozanna şəhərində yerləşən Olimpiya Muzeyində baş tutacaq.

Yunan-Roma güləşi üzrə Dünya Kuboku fevralın 19-20-də İranın paytaxtı Tehranda, qadın güləşi üzrə Dünya Kuboku martın 7-8-də Rusiyanın Sankt-Peterburq, sərbəst güləş üzrə Dünya Kuboku isə aprelin 11-12-də ABŞ-ın Los Anceles şəhərində baş tutacaq.

Qeyd edək ki, ötən ilin dünya çempionatında Azərbaycanın hər üç növ üzrə güləş yığmaları Dünya Kubokunda iştirak haqqı qazanıb.

Son xəbərlər

Orphus sistemi