Yuxarı
    Bağlamaq

    ​"Formula 1" yarışmasının pilotu Jül Biyanki xəstəxanada vəfat edib

    Formula 1 yarışmasının pilotu ötən ilin oktyabrında ağır qəzaya düşmüşdü

    Bakı. 18 iyul. REPORT.AZ/ "Formula 1" yarışlarında "Marusiya" komandasının tərkibində çıxış edən fransız pilotu Jül Biyanki ötən il Yaponiya Qran-Prisi yarışında baş verən qəza zamanı aldığı ciddi xəsarətlərdən Nitse şəhər xəstəxanalarından birində dünyasını dəyişib.

    "Report"un İnterfaks agentliyinə istinadən verdiyi məlumatına görə, bu barədə idmançının Facebook fan-klub səhifəsində Biyankinin ailəsinin yerləşdirdiyi məlumatda bildirilib.

    "Formula 1" yarışlarında "Marusiya" komandasının tərkibində çıxış edən fransız pilotu Jül Biyanki ötən ilin oktyabrında ağır qəzaya düşmüşdü.

    O vaxtdan bəri idmançı ağır vəziyyətdə xəstəxanada müalicə alırdı. Biyanki bir neçə ağır əməliyyat keçirib, lakin onun vəziyyəti yaxşılaşmayıb.

    Jül Biyanki 2013-ci ildən etibarən "Formula 1" yarışlarında çıxış edib. Onun ən uğurlu çıxışı həmin ildə Monako Qran-Prisi yarışında olub. O zaman fransalı idmançı doqquzuncu yer tutub və iki xal qazana bilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi