Yuxarı
    Bağlamaq

    Formula-1 üzrə yeni dünya çempionu karyerasını başa vurub

    Niko Rosberq: Artıq yeni həyata başlama zamanıdır

    Bakı. 2 dekabr. REPORT.AZ/ Formula-1 üzrə dünya çempionu Niko Rosberq karyerasını başa vurub. 

    "Report"un məlumatına görə, "Mercedes"in almaniyalı pilotu bu barədə şəxsi "Facebook" səhifəsində yazıb.

    Otuz bir yaşlı idmançı bildirib ki, karyerası ərzində yeganə böyük arzusu və məqsədi çempionluq olub. 

    N.Rosberq ağır əmək, ağrılara rəğmən, çempionluq naminə bir çox şeydən imtina etdiyini vurğulayıb: "Amma indi mən bunu etdim, zirvəyə qalxdım və qərara aldım ki, Formula-1 karyeramı başa vurum. Əvvəlki iki mövsümdə Lüis Hemiltona uduzdum. Bunlar, çox çətin anlar olsa da, məni daha da həvəsləndirdi. Bu mövsümə hər şeyimi qoydum. Nəticədə xeyli çətinliklə çempion oldum. İndi yeni həyata başlama zamanıdır".

    Qeyd edək ki, Niko Rosberqin bu il qalib olduğu yarışlar arasında Bakıda keçirilmiş Avropa Qran-prisi də var. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi