Yuxarı
    Bağlamaq

    Formula 1-də Berni Ekklstoun erası başa çatır

    İngiltərəli biznesmen bu həftə postu ilə vidalaşacaq

    Bakı. 23 yanvar. REPORT.AZ/ Formula 1-in promouteri Berni Ekklstoun təşkilatın ömürlük prezidentliyindən imtina etmək niyyətindədir. "Report"un məlumatına görə, bu barədə "Formula One Group"un rəhbərliyindən BBC-yə açıqlama verilib. 

    Mənbə ingiltərəli biznesmenin bu həftə postu ilə vidalaşacağını bildirib. Ona fəxri prezident postu təklif olunub. 

    Formula 1-in yeni sahibləri idarəetmə strukturunda yenilənmə aparmaq, B.Ekklstounun səlahiyyətlərini bir neçə şəxs arasında bölüşdürmək istəyirlər. Bunadək yarışın sədri postuna Çeyz Keri gətirilib. Kommersiya departamentinin rəhbəri Şon Bretçs ola bilər. Seriyanın idman tərəfinə isə Ross Braun kömək edəcək. 

    Qeyd edək ki, 87 yaşlı Berni Ekklstoun Formula 1-ə 40 ildir rəhbərlik edir. 2016-cı ilin sentyabrında şirkətin səhmlərinə "Liberty Media" korporasiyası sahib çıxıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi