Yuxarı
    Bağlamaq

    "Formula-1" bolidlərində “Halo” təhlükəsizlik sistemindən istifadə olunacaq

    Bununla bağlı FİA-nın iclasında qərar qəbul olunub

    Bakı. 20 iyul. REPORT.AZ/ 2018-ci ildən "Formula-1" bolidlərində “Halo” təhlükəsizlik sistemindən istifadə olunacaq.

    “Report”un məlumatına görə, bununla bağlı Beynəlxalq Avtomobil Federasiyasının (FİA) İsveçrənin Ceneverə şəhərində keçirilən Starteji Qrupunun iclasında qərar qəbul olunub. Məqsəd qəzalar zamanı pilotların başını ciddi xəsarətlərdən qorumaqdır.

    "Formula-1" üzrə dünya çempionatında iştirak edən 10 komandadan 9-u “Halo” sisteminə qarşı səs versələr də, FİA rəhbərliyi təhlükəsizlik tədbirlərini əsas tutaraq, onların fikirlərinə məhəl qoymayıb.

    “Halo” ilə bağlı yekun qərar FİA-nın Ümumdünya Şurasında çıxarılacaq.

    Qeyd edək ki, 2018-ci ildə "Formula-1" üzrə Azərbaycan Qran-prisi aprelin 27 - 29-da keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi