Yuxarı
    Bağlamaq

    "Ferrari" Formula 1-in səhmlərini satın almaq istəyir

    Liberty Media  səhmlərin bir hissəsini 400 milyon dollar qarşılığında satmağı planlaşdırır

    Bakı. 3 fevral. REPORT.AZ/ "Ferrari" şirkəti Formula 1-in səhmlərinin bir hissəsini satın almaq niyyətindədir. "Report"un məlumatına görə, bunu İtaliya brendinin prezidenti Serco Markyonne f1i.com-a açıqlamasında bildirib. 

    Markyonne hazırda "Liberty Media" ilə danışıqlar apardıqlarını söyləyib: "Biz Formula 1-in səhmlərinin alınması imkanlarını araşdırmağa başlamışıq. Hazırkı iştirakçıların mövcud kollektiv müqaviləsinin müddəti 2020-ci ildə başa çatır. Biz bundan sonra nələrin baş verəcəyini anlamalıyıq. "Ferrari" bilməlidir ki, Formula1-in investisiyaları necə olacaq. Bununla bağlı məsələ aydınlaşdıqdan sonra bizim üçün qərar vermək də asanlaşacaq".

    Qeyd edək ki, Formula 1-ə 40 il rəhbərlik etmiş Berni Ekklstoun yanvarın 23-də vəzifəsindən getdiyini açıqlayıb. 2016-cı ilin sentyabrında şirkətin səhmlərinə "Liberty Media" korporasiyası sahib çıxıb. Lakin sözügedən şirkər səhmlərin bir hissəsini 400 milyon dollar qarşılığında satmağı planlaşdırır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi