Fərid Qayıbov atıcılıq federasiyasının fəaliyyəti ilə tanış olub

Fərid Qayıbov atıcılıq federasiyasının fəaliyyəti ilə tanış olub Gənclər və idman naziri Fərid Qayıbov Azərbaycan Atıcılıq Federasiyasının fəaliyyəti ilə tanış olub.
Fərdi
108
27 Sentyabr , 2021 19:53
Fərid Qayıbov atıcılıq federasiyasının fəaliyyəti ilə tanış olub

Gənclər və idman naziri Fərid Qayıbov Azərbaycan Atıcılıq Federasiyasının fəaliyyəti ilə tanış olub.

Nazirlikdən "Report"a verilən məlumata görə, F.Qayıbov stend və güllə atıcılığı üzrə yığma komandaların üzvləri ilə görüşüb, onların məşq proseslərini izləyib, problemlərini dinləyib.

Federasiyasının baş katibi Emin Cəfərov nazirə qurumun fəaliyyəti, yerli və beynəlxalq səviyyəli yarışlara hazırlıq, gənc idmançılarla işin qurulması, çətinliklər, federasiyanın gələcək planları barədə məlumat verib. Qeyd olunan məsələlər ətrafında fikir mübadilələri aparılıb.

Görüşdə federasiya İcraiyyə Komitəsinin üzvü, olimpiya çempionu Zemfira Meftahəddinova və güllə atıcılığı üzrə yığma komandanın baş məşqçisi, olimpiya mükafatçısı İradə Aşumova iştirak ediblər.

Daha sonra nazir Respublika Stend Atıcılığı üzrə İdman Kompleksinin maddi-texniki bazasına baxış keçirib. Kompleksin şəraiti və fəaliyyəti ilə maraqlanıb.

Son xəbərlər

Orphus sistemi