Yuxarı
    Bağlamaq

    Levon Aronyan: "Bakının gözəlliyi haqda mənə çox danışıblar"

    Ermənistan şahmatçısı Teymur Rəcəbov və Şəhriyar Məmmədyarovu fərqləndirib

    Bakı. 10 sentyabr. REPORT.AZ/ "Yarışın çox maraqlı və gərgin mübarizə şəraitində keçəcəyini gözləyirəm". "Report"un Dünya Kubokunun mətbuat xidmətinə istinadən verdiyi məlumata görə, bunu Bakıda keçiriləcək şahmat üzrə Dünya Kubokunun iştirakçısı, Ermənistan təmsilçisi Levon Aronyan deyib.

    Mümkün qədər yaxşı çıxış edəcəyini bildirən L.Aronyan ciddi rəqiblər siyahısında azərbaycanlı qrossmeysterlər Teymur Rəcəbov və Şəhriyar Məmmədyarovu gördüyünü bildirib. 

    O, Bakı barədə də danışıb: "Dostlarım Bakının gözəlliyi haqda mənə çox danışıblar. İmkan olsa, yarışın son günlərində şəhəri gəzmək maraqlı olardı".

    Qeyd edək ki, Ermənistan Dünya Kubokunda 4 şahmatçı ilə təmsil olunacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi