Dünya cüdo tarixində ilk dəfə kişilərdən ibarət yığmaya qadın baş məşqçi təyin olunub

Bakı. 2 iyun. REPORT.AZ/ Cüdo üzrə kişilərdən ibarət Braziliya millisinə qadın baş məşqçi təyinat alıb.

"Report"un məlumatına görə, yığma yaponiyalı Yuko Fujiyə tapşırılıb.

O, Braziliya Olimpiya Komitəsinin dəvəti ilə yığmaya cəlb olunub. 

Bu isə dünya cüdo tarixində ilk dəfə baş verib. Fujiye daha öncə qadınlardan ibarət Britaniya yığmasında işləyib.

Qeyd edək ki, Yuko Fujiye 20-27 sentyabrda Bakıda keçiriləcək dünya çempionatında da Braziliya yığmasına rəhbərlik edəcək.