Yuxarı
    Bağlamaq

    Donald Tramp olimpiadanın bayraqdarı ola bilər

    Bu barədə Los-Anceles-2024 Sifariş Komitəsinin icraçı direktoru Cin Sayks bildirib

    Bakı. 25 noyabr. REPORT.AZ/ 2024-cü il Yay Olimpiya Oyunları ABŞ-da keçiriləcəyi təqdirdə, ölkə prezidenti Donald Tramp bayraqdar ola bilər. 

    "Report"un məlumatına görə, bu barədə "Los-Anceles-2024" Sifariş Komitəsinin icraçı direktoru Cin Sayks açıqlama verib.

    C.Sayks bununla bağlı məktub aldığını deyib: "Həmkarlarımın birindən məktub almışam. Orada ABŞ prezidentinin 2024-cü ildə keçiriləcək olimpiadaya Los-Ancelesin ev sahibliyi üçün namizədliyini irəli sürməsini dəstəklədiyi bildirilir. Onun Olimpiya Oyunlarını sevdiyinə heç bir şübhə yoxdur. Bu səbəbdən, Los-Ancelesin ev sahibliyinə çox ciddi dəstək nümayiş etdirir. Düşünürəm ki, bu, bizim sifarişimiz üçün çox vacibdir. Hər kəs görür ki, prezidentimiz yanımızdadır. Tramp ABŞ-da keçiriləcəyi halda, 2024-cü il olimpiadasının bayraqdarı ola bilər. Düşünürəm ki, bu, bizim ölkənin olimpiadaya ev sahibliyi etmək istəyini nümayiş etdirir və çox vacib amildir".

    Oyunlara Los-Ancelesdən əlavə, Fransanın paytaxtı Paris və Macarıstanın paytaxtı Budapeştin də namizədliyi irəli sürülüb.

    Qeyd edək ki, əvvəllər Donald Trampın ABŞ prezidenti seçilməsinin Los-Ancelesin 2024-cü il Yay Olimpiya Oyunları uğrunda mübarizədə qələbə şanslarına mənfi təsir edəcəyi bildirilirdi. Səbəb kimi onun birmənali olmayan və sərt açıqlamaları göstərilirdi.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi