Yuxarı

​Cavid Əfəndiyev Dünya Kubokunun I mərhələsində mübarizəyə başlayır

Dünya Kubokunda ümumilikdə 34 ölkədən 197 avarçəkən yarışacaq

Bakı. 8 may. REPORT.AZ/ Mayın 9-da Sloveniyanın Bled şəhərində akademik avarçəkmə üzrə Dünya Kubokunun I mərhələsi start götürəcək. Bu barədə “Report”a Azərbaycan Milli Avarçəkmə Federasiyasının mətbuat xidmətindən məlumat verilib.

İki gün davam edəcək yarışda Azərbaycanı Cavid Əfəndiyev təmsil edəcək.

O, məşqçi Samir Məmmədovun rəhbərliyi altında mübarizə aparacaq. 25 yaşlı idmançı 1 nəfərlik yüngül çəkili qayıqla (LM1X) 2000 metr məsafəyə yürüşlərə qatılacaq. Bu qayıq tipində ümumilikdə 18 avarçəkən yer alacaq. Seçmə mərhələdə Azərbaycan təmsilçisinin rəqibləri Sloveniya, Slovakiya, Çexiya və Bolqarıstan idmançıları olacaq. Sabah Bakı vaxtı ilə saat 12:55-də startı veriləcək yürüşdə ilk 4 pilləni tutanlar yarımfinala yüksələcəklər.

Qeyd edək ki, Dünya Kubokunda ümumilikdə 34 ölkədən 197 avarçəkən yarışacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi